الناس كانت ، ألا ذوك غلبُ@ذوك ، وذوك الْذوك ينْجَلْبُ
الناس كانت ، ألا ذوك غلبُ@ذوك ، وذوك الْذوك ينْجَلْبُ
ينباعُ ، وذوك الْذوك تَلْبُ@وذوك اعل حيوان ذوك ، فَرْكُ
وذوك امن اموالهم ينسلب@وذوك ينْسْباوْ وذوك ينصرك
جَ ارصول وجَ رحمَه شاملَه@للناس ، ولا كانْتْ متحامله
سابكُ ، والشر طَرْكُ كامله@بيه انكفلت ، والخير طرك
كامله بيه انفتحت ، عامله@بيهْ الناس اعل الخير ، فركُ
بارصول الكفار امحاربين@ذاك الْجَ بيه كامل امن الدين
وعذّْبُ ياسر من المَسَلمِين@ذوك يبتطُّ ، وذوك ينحركُ
وذاك ما زادهم يكون يقين@بالدين ، والْتمُّ ما افتركُ
غير عكبُ عاكب ذاك بَسْنِين@الحرب شَيَّرْ بينهم ، بَرْكُ
وجَ يوم بدر ، الكفار ما احْلُ@ذاك ارَّاوْ فيه ، لَهْلاكْ طركُ
فيهْ انفتحُ اعليهم ، وباحْلُ@موجب ، المسلمين ما ادَّرْكُ
جند الكفار ، امنين راحْ لُ@كَلّْهَ اصبح فيه ، دارك افعرك
ذاك هارب ، وذاك لوخر واحلُ@ذاك بيه المسلمين فرك
وذاك محكوم تلُّ ، وذاك ساحلُ@معطوبْ ، وذاك مكتول شركُ
واغرظن رب ابجاه ارصول@وجاه أهل بدر ، فالعافيَه وطول
لعمارْ ، وحسن الخاتمه ، وحُول@بيْنَّ امع الشر ، الشر سبّْك
وعكبُ ، فلْمانبغُ ، لايْزول@عنُّ الشر ، واعليهْ لا اتْلَبّْكُ
وارصول جاهُ ، مايْكدْ ينحدْ@ومَلاذْ الناس ، إِلَا الْتَحْكُ
والْحَكْ حد ، ما كط سابكُ حد@لحكُ ، ولايْكد حد يلَحْكُ
صلى الله عليه وسلم
الأديب: كممو ولد اتفغ أعمر
