طلعة إسماعيل ولد محمد يحظيه في رثاء ولد بلعمش (من أمهات المراثي)
بسم الله الرحمن الرحيم
والصلاة والسلام على أشرف المرسلين
هذه قطعة شعرية ألقيت في حفل تابين الشاعر و الاديب الشيخ ول بلعمش مساء يوم .80.11 2019 في فندق وصال — انواكشوط
امش مودع للسباحان@
الشيخ افلال الغليان@
وابكات افجافج مورتان@
تساع ا لكلوب تنحش@
اديرو فشباب الجنان@
يوم اتجي لرواح اتنشنش@
ماذ كط ارفع من ش شان@
للفصال ارش أمن الرش@
ا ماذ كط انقش من دوان@
خش افبللعمش ذاك الخش@
الشأن أجيبوا ما يليان@
وجيب الرفع ما يرمش@
وجيب المنطق والبيان@
أعليه أمغرش ما غرمش@
وامحرش من زاد القرءان@
والل متخطي كاع احرش@
ذاكو بل احراش الفتيان@
المنهم لاه يستحرش@
واشلاهي كاع أكول افلان؟@
عاكب ول اتل بللعمش؟@
السبحان أعطاه اللوطان@
وانعم بيه أمتع وانعش@
وامش مودع للرحمان@
كد اللي فيه ابرك يعمش@
ذاكو كد إعمار الشجعان@
تكصار ايعراظ المفرش@
ما كط اسع كون افلحسان@
إلا كط افمسعاه اتفلفش@
إلا خل يكون التحنان@
فثرو ذيك المشي ترهش@
حد ابلا فصلو تيوتان@
والل عن لخبار امكرمش@
يعطيه الرحم والغفران@
إلا ر شي منو يتمكرش@
مكلو حد اتل منزاد@
يكلع لعماش الحد اعمش@
الاهو كيفت ياسر من زاد@
ذي الشعار اللي تتنغمش@
إسماعيل ول محمد يحظيه ول الحسن
